(વર્તમાન પ્રવાહ ન્યુઝ નેટવર્ક) દમણ, તા.22
આજે દમણ જિલ્લા પંચાયત સંચાલિત શાળાઓમાં પ્રશાસક શ્રી પ્રફુલભાઈ પટેલનામાર્ગદર્શન અને નેતૃત્વ હેઠળ દમણ જિલ્લા પંચાયત અંતર્ગત આવતી તમામ શાળાઓમાં વોટર ટ્રેપ ફિલ્ટર લગાવામાં આવ્યા છે જેથી તમામ શાળાઓમાં અભ્યાસ કરતા વિદ્યાર્થીઓને પીવાનું સ્વચ્છ અને શુદ્ધ પાણી મળી રહેશે. આ વોટર ટ્રેપ ફિલ્ટર લગાવવાની શરૂઆત ભીમપોર, દુનેઠા ખાતે આવેલ શાળાથી કરવામાં આવી હતી. આ પ્રસંગે દમણ જિલ્લા પંચાયત શિક્ષણ સમિતિના ચેરમેન શ્રીમતી વર્ષિકાબેન પટેલ, જિલ્લા પંચાયત સભ્ય તથા શિક્ષણ સમિતિના સભ્ય શ્રીમતી જાગૃતિબેન કલ્પેશભાઈ પટેલ અને શ્રી યોગેશભાઈ પટેલ વિશેષ ઉપસ્થિત રહ્યા હતા.
