-
જિલ્લા પંચાયતના પ્રમુખ, ઉપ પ્રમુખ, જિલ્લા પંચાયતના સભ્યો, વિવિધ ગ્રામ પંચાયતોના સરપંચો, વિવિધ વોર્ડના સભ્યો સહિત સ્ટોલ અને દુકાનધારકો તથા ફેરિયાઓ પણ બીચની સ્વચ્છતા માટે પોતાનું શ્રમદાન આપશે
(વર્તમાન પ્રવાહ ન્યુઝ નેટવર્ક) દમણ, તા.01
રવિવારે દમણ જિલ્લા પંચાયત દ્વારા દેવકા બીચની સ્વચ્છતાના અભિયાનનું મેગા આયોજન કરવામાંઆવ્યું છે. જેમાં દમણ જિલ્લા પંચાયતના તમામ સભ્યો, સરપંચો, વોર્ડના સભ્યો, સ્વચ્છાગ્રહી, કર્મીઓ ભાગ લેનાર હોવાનું જિલ્લા પંચાયતના મુખ્ય કાર્યકારી અધિકારી દ્વારા જણાવાયું છે.
રવિવારે સવારે 6:30 કલાકથી દેવકા બીચની સ્વચ્છતા માટે શરૂ થનારા જન આંદોલનમાં સ્ટોલ અને દુકાનધારકો, ફેરિયા અને સ્વયંસેવીઓ પણ જોડાશે. આ અભિયાનથી બીચની સ્વચ્છતા પણ જળવાશે અને ભવિષ્યમાં બીચ ઉપર કચરો ફેંકવાની થતી ગુસ્તાખી ઉપર પણ રોક લાગશે.