જીપીસીબી પણ અજાણ!! રંગીન જાદુઈ પાણી કોંણ છોડી રહ્યું છે તેની તપાસની તસ્દી શુધ્ધા લેવાઈ નથી
(વર્તમાન પ્રવાહ વાપી બ્યુરો)
વાપી, તા.10: વાપી જીઆઈડીસીના અમુક યુનિટો પ્રદૂષિત પાણી બેરોકટોક વરસાદી ગટરોમાં છોડી રહ્યા છે તેવુ આજે બુધવારે થર્ડ ફેઈઝ વિસ્તારની બે ગટરોમાં રંગીન પાણી વહી રહ્યું હતું. આ પાપ કોનું છે? કઈ કંપની છે કે જી.પી.સી.બી. કે અન્ય કોઈની પણ શેહશરમ દરકાર રાખ્યા સિવાય વરસાદી પાણીની ગટરમાં રંગીન લાલ પાણી બિંદાસ્ત છોડી રહી છે. તે અંગેની તળીયાઝાટક તપાસ જરૂરી છે.
વાપી થર્ડ ફેઈઝ વિસ્તારમાં આવેલ વેલવિસર ટેક્સટાઈન કંપનીની નજીકની ગટરમાં રંગીન પાણી વહી રહ્યાની કંપનીમાં પુચ્છા કરતા કંપનીએ જણાવેલુ કે આ પ્રદૂષિત પાણી અમારી કંપનીનું નથી તેમજ અમે જી.પી.સી.બી.માં પત્ર પણ લખ્યો છે, ઘટના અંગે જી.પી.સી.બી. પણ અજાણ છે. એટલું જ નહીં પણ જાણ થયા પછી તપાસ કે પગલાં ભરવાની કોઈ તસ્દી સાંજ સુધી લેવાઈ નથી. વાપીની અમુક કંપનીઓ ચોમાસાની તક લઈ પ્રદૂષિત પાણી છોડે છે. પરિણામે આખી વસાહત પ્રદુષણ મામલે બદનામ થઈ રહી છે.
