આરોપીઓને સખ્ત સજાની માંગણી વિદ્યાર્થીઓએ કરી
(વર્તમાન પ્રવાહ વાપી બ્યુરો)
વાપી, તા.04: દાદરા નગર હવેલી સામરવરણીમાં કાર્યરત ઈંગ્લીશ મીડિયમ સ્કૂલમાં સગીર વિદ્યાર્થીની ઉપર થયેલ સામુહિક જધન્ય ઘટનાના પ્રત્યાઘાતો સમગ્ર દક્ષિણ ગુજરાતમાં પડયા છે. વલસાડ જિલ્લા એબીવીપી દ્વારા શનિવારે અધિક કલેક્ટરને આવેદનપત્ર પાઠવી આરોપીઓ વિરૂધ્ધ સખ્ત સજાની માંગણી કરી હતી.
દાદરા નગર હવેલીના સામરવરણી ગામે આવેલી અવર લેડી ઓફ હેલ્પ ઈંગ્લીશ મીડિયમ સ્કૂલના સંચાલક અને શિક્ષક માઈકલ નુન્સ અને ડિકોસ્ટા સગીર વિદ્યાર્થીની ઉપર દુષ્કર્મ આચરી શિક્ષણ જગતને કલંકિત કર્યાની ઘટેલી ઘટનામાં ચોમેર વિરોધ થઈ રહ્યો છે. લોકો આક્રોશ સાથે રેલી, માર્ચ કેન્ડલ કાઢી વિરોધ નોંધાવી રહ્યા છે. જેના પ્રત્યાઘાત વલસાડ જિલ્લામાં પણ પડયા છે. શનિવારે જિલ્લા અખિલ ભારતીય વિદ્યાર્થી પરિષદે વલસાડ કલેક્ટરને આવેદનપત્ર પાઠવી આરોપીઓ વિરૂધ્ધ આકરી સજા કરવાની માંગણી કરી હતી.