(વર્તમાન પ્રવાહ ન્યુઝ નેટવર્ક)
સેલવાસ,તા.30 : દાદરા નગર હવેલી અને દમણ દીવના પ્રશાસકશ્રીના માર્ગદર્શનમાં જિલ્લામાં એકતા ઉત્સવ મનાવવા માટે લોખંડી પુરૂષ સરદાર વલ્લભભાઈ પટેલની જન્મ જયંતિ અવસરે ‘રન ફોર યુનિટી’ અંતર્ગત આરોગ્ય વિભાગ દ્વારા એકતા દોડનું આયોજન કરવામાં આવ્યું હતું. જેને સંઘપ્રદેશના આરોગ્ય નિર્દેશક ડો. વી.કે.દાસે લીલી ઝંડી બતાવી રવાના કરવામાં આવી હતી. આ દોડમાં આરોગ્ય નિર્દેશાલયના કર્મચારી શ્રી વિનોબા ભાવે સિવિલ હોસ્પિટલના કર્મચારી, નમો મેડીકલ કોલેજ, નર્સિંગ કોલેજ, પેરા મેડિકલ ઈન્સ્ટીટ્યુટનાવિદ્યાર્થીઓ, પ્રોફેસરો અને ખાનવેલ સબ જિલ્લા હોસ્પિટલના કર્મચારીઓએ પણ ખાનવેલ વિસ્તારમાં એકતા દોડમાં ભાગ લીધો હતો. આ દોડ સિવિલ હોસ્પિટલથી કિલવણી નાકા, ઝંડાચોક પોલીસ સ્ટેશન, ચાર રસ્તા, મીની બસ સ્ટોપ, ટોકરખાડા સર્કલ આદિવાસી ભવન થઈ પરત સિવિલ હોસ્પિટલ ખાતે સંપન્ન કરવામા આવી હતી.