(વર્તમાન પ્રવાહ વાપી બ્યુરો)
વાપી બલિઠા હાઈવે મામલતદાર કચેરી સામે આજે મંગળવારે સાંજે 7 વાગ્યાના સુમારે ગંભીર અકસ્માત સર્જાયો હતો. પારડી તરફ આવી રહેલ પિયાગો રીક્ષા નંબર જી.જે 15 એયુ 2151 ને કોઈ અજાણ્યા વાહને ટક્કર મારી દેતા પિયાગો પલટી મારી ગઈ હતી. અકસ્માતમાં રીક્ષા સવાર ચાલક સાથે ચાર મુસાફરો ઘાયલ થયા હતા, નાની મોટી ઈજા પહોંચી હતી. ઘાયલોને લોકોએ પાસે આવેલ વાઈબ્રન્ટ હોસ્પિટલમાં સારવાર માટે ખસેડવામાં આવ્યા હતા. આ લખાઈ રહ્યું છે ત્યારે તમામ ઘાયલ સારવાર હેઠળ છે.
