છેલ્લા બે વર્ષ લાયન્સ વાપી નાઈસ ક્લબએ સેંકડો નિઃશુલ્ક મોતિયાના ઓપરેશન કર્યા
(વર્તમાન પ્રવાહ વાપી બ્યુરો)
વાપી, તા.13: લાયન્સ ક્લબ વાપી નાઈસ દ્વારા છેલ્લા બે વર્ષ મોતિયા બિંદ નિઃશુલ્ક ઓપરેશનનો મેગા પ્રોજેક્ટ ચાલી રહ્યો છે. અંતરિયાળ ગામોના સેંકડો મોતિયાના જરૂરિયાત મંદોના ઓપરેશન નિઃશુલ્ક કરવામાં આવી રહ્યા છે. આ શૃખંલામાં આજે વાંસદા આઈ હોસ્પિટલમાં ક્લબ દ્વારા 48 જરૂરીયાતમંદ દર્દીઓના નિઃશુલ્ક ઓપરેશન કરીમાનવતાની ભગીરથ કામગીરી કરી હતી.
લાયન્સ ક્લબ ઓફ વાપી નાઈસના પાસ્ટ પ્રેસિડેન્ટ શૈલેષભાઈ મહેતા અને ક્લબ ટીમ દ્વારા સતત બે વર્ષથી વાંસદા, વલસાડ, ધરમપુરના અંતરિયાળ ગામોમાં ગરીબ આદિવાસી મોતિયાબિંદની જરૂરીયાતવાળા દર્દીઓને શોધી શોધી આઈ કેમ્પનું આયોજન ક્લબ કરી રહી છે. આજે વાંસદા આઈ હોસ્પિટલમાં મોતિયાના 48 ઓપરેશન કર્યા હતા. આ પ્રસંગે ઉમેશ સંઘવી, હર્ષદભાઈ અનુભાઈ, સુરેશ સાબું ઉપસ્થિત રહ્યા હતા. કેમ્પના પ્રમુખ દાતા રાધીકા ગર્ગ દિલ્હીના હતા.
