(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.14: 176-ગણદેવી અનુસૂચિત જનજાતિની બેઠક ઉપર ભાજપમાંથી વર્તમાન કેબિનેટ મંત્રી નરેશભાઈ એમ. પટેલ કોંગ્રેસમાંથી બીલીમોરા અશોકભાઈ કરાટે ઉમેદવારી નોંધાવ્યા બાદ આજે ઉમેદવારી પત્રક ભરવાના અંતિમ દિવસે બીટીપીમાંથી આમ આદમી પાર્ટીમાં જોડાયેલા દેગામના પંકજભાઈ લલ્લુભાઈ પટેલે ચૂંટણી અધિકારી સમક્ષ તેમના ટેકેદારો સાથે ઉમેદવારી પત્રક રજૂ કર્યું હતું. આ પૂર્વે પંકજભાઈ પટેલતેમના ટેકેદારો સમર્થકો સાથે રેલી આકારે તાલુકા સેવા સદનમાં પહોંચ્યા હતા.
176-ગણદેવી વિધાનસભા બેઠક ઉપર ભાજપ કોંગ્રેસ અને આપ મળી ત્રણ જેટલા જ ઉમેદવારી પત્રકો ભરાયા છે. હાલે ભાજપ અને કોંગ્રેસનાં ઉમેદવાર દ્વારા જિલ્લા પંચાયતની બેઠક મુજબ સભા યોજી ચૂંટણી પ્રચારનો પ્રારંભ કરી દેવામાં આવ્યો છે, ત્યારે આ વખતે આ બેઠક ઉપર ભાજપ, કોંગ્રેસ અને આપ વચ્ચે ત્રિપાંખીઓ જંગ રહેશે કે પછી ભાજપનો એક તરફી રહેશે તે જોવું રહ્યું ત્રણેય પક્ષોમાંથી ડમી ઉમેદવારી પત્રકો પણ રજૂ થયા છે ત્યારે ચકાસણી અને બાદમાં ઉમેદવારી પત્રક ખેંચવાના દિવસે ચિત્ર સ્પષ્ટ થશે.
