‘પ્રશાસન ગામ તરફ’શિબિરમાં વિવિધ વિભાગોની અલગ અલગ સેવાઓ માટે અરજીઓ સ્વીકારી સ્થળ ઉપર કરાયેલું નિરાકરણઃ વિવાદીત બાબતો ઉપર આપવામાં આવ્યું માર્ગદર્શન
(વર્તમાન પ્રવાહ ન્યુઝ નેટવર્ક)
દમણ, તા.22 : સંઘપ્રદેશ દાદરા નગર હવેલી અને દમણ-દીવ દ્વારા સુશાસન સપ્તાહ અંતર્ગત દમણ જિલ્લાની ભીમપોર ગ્રામ પંચાયત ખાતે આજે સવારે 11:00 થી સાંજના 5:00 વાગ્યા દરમિયાન ‘પ્રશાસન ગામ તરફ’ શિબિરનું આયોજન કરવામાં આવ્યું હતું. જેમાં વિવિધ વિભાગોની જુદી જુદી સેવાઓ માટે આવેદન સ્વીકારવામાં આવ્યા હતા અને વિવાદીત બાબતો ઉપર માર્ગદર્શન આપવામાં આવ્યું હતું.
ભીમપોર પંચાયત ખાતે આજે સવારના 11:00 થી સાંજના 5:00 વાગ્યા દરમિયાન યોજાયેલ ‘પ્રશાસન ગામ તરફ’ શિબિરમાં મામલતદાર, સીટી સર્વે, જમીન સંપાદન, સબ રજીસ્ટ્રાર, ટ્રેઝરી, ફૂડ અને સપ્લાય, જિલ્લા પંચાયત, સમાજ કલ્યાણ, લેબર, ચૂંટણી, વિદ્યુત, પોસ્ટ, કૃષિ, પશુપાલન, બેંક, આરોગ્ય અને પરિવાર કલ્યાણ, જિલ્લા ઉદ્યોગ કેન્દ્ર, પરિવહન અને શિક્ષણ વિભાગ સંબંધી વિવિધ સેવાઓના સંદર્ભમાં અરજીઓ સ્વીકારવામાં આવી હતી અને વિવિધ વિભાગ દ્વારા અરજીઓનું સ્થળ ઉપર જનિરાકરણ કરવામાં આવ્યું હતું. જ્યારે વિવાદિત કેસો બાબતે જરૂરી માર્ગદર્શન આપવામાં આવ્યું હતું.
