આર.સી.સી. કરતા 50 ટકા મજબુત 20 વર્ષનું આયુષ્ય ઓછો ખર્ચ : થર્ડ ફેઝમાં કામગીરી શરૂ
(વર્તમાન પ્રવાહ વાપી બ્યુરો)
વાપી, તા.22: વાપી જી.આઈ.ડી.સી.માં વારંવાર તૂટી જતા રોડોની સમસ્યાનો આગામી સમયે અંત આવશે. વિદેશમાં તૈયાર થતા રોડની જેમ કોબલ સ્ટોન (કુદરતી પથ્થર)ના રોજ બનાવવાની કામગીરીનો પ્રારંભ થઈ ગયો છે. થર્ડ ફેઝમાં પાયલોટ પ્રોજેક્ટ હાથ ધરાયો.
વાપી જી.આઈ.ડી.સી.માં દૈનિક હજારો વાહનો અવર જવર કરે છે. જેને લીધે ચોમાસા દરમિયાન રોડોની હાલત બિસ્માર્ક બની જતી હોય છે તેથી આર.સી.સી. રોડ બનાવાતા હતા પરંતુ તેનું પરિણામ પણ ધાર્યું મળ્યુ નથી તેથી આ સમસ્યાને નિવારવા માટે વિદેશમાં જે રીતે રસ્તાઓ તૈયાર કરવામાં આવે છે તેવા કોબલ સ્ટોનથી થર્ડફેઝમાં 3 હજાર ચો.મી. રોડ કોબલ સ્ટોનથી તૈયાર કરવામાં આવી રહ્યો છે. આ આર.સી.સી. કરતા 50 ટકા વધુ મજબુત રોડ બને છે તેમજ આર.સી.સી. કરતા પણ પડતર નીચે આવે છે. અમરેલીમાં મળતો આ પથ્થરના રોડનું આયુષ્ય 20 વર્ષ કરતાં પણ વધુ છે. જરૂરીયાત પડે તો રોડ તોડવો પણ સરળ પડે છે. તેમજ કુદરતી પથ્થર હોવાથી ચોમાસામાં વાહનો પણ સ્લીપ ખાતા નથી. કોબલસ્ટોનને કટીંગ સરફેસ કરી રોડ ઉપર કેમિકલથી બેસાડવામાં આવે છે તેમજ આર.સી.સી. રોડ બનાવવા દિવસો વધુ લાગે છે ત્યારે કોબલ સ્ટોનનો રોડ 10 દિવસમાં ઝડપથી બની જાય છે. હાલ 90 લાખના ખર્ચે આ રોડ બની રહ્યો છે.
