10મી જાન્યુઆરીથી 13મી જાન્યુઆરી સુધી આંતરરાષ્ટ્રીય યોગ ગુરૂ શૈલેષ રાઠોડ દ્વારા વિવિધ યોગ અભ્યાસની અપાશે જાણકારી
(વર્તમાન પ્રવાહ ન્યુઝ નેટવર્ક)
દમણ, તા.09 : આંતરરાષ્ટ્રીય ખ્યાતિપ્રાપ્ત સંસ્થા ‘આર્ટ ઓફ લિવિંગ’ દ્વારા આવતીકાલ તા.10મી જાન્યુઆરીથી 13મી જાન્યુઆરી સુધી દમણના સ્વામી વિવેકાનંદ સ્ટેડિયમ ગ્રાઉન્ડ ખાતે યોગ મહોત્સવનું આયોજન કરવામાં આવ્યું છે. જેમાં યોગ ગુરૂ અને આર્ટ ઓફ લિવિંગના ઈન્ટરનેશનલ ફેકલ્ટી શ્રી શૈલેષ રાઠોડ વિવિધ યોગનો અભ્યાસ કરાવશે.
પ્રાપ્ત માહિતી પ્રમાણે વિશ્વ પ્રસિદ્ધ આધ્યાત્મિક ગુરૂ શ્રી શ્રી રવિશંકર દ્વારા સંચાલિત ‘આર્ટ ઓફ લિવિંગ’ દ્વારા આવતી કાલથી ચાર દિવસીય યોગ મહોત્સવનો પ્રારંભ નાની દમણના સ્વામી વિવેકાનંદ કોલેજ ગ્રાઉન્ડ ખાતે થઈ રહ્યો છે. સવારે 6 થી 8 વાગ્યા સુધી યોજાનારા યોગ મહોત્સવમાં વિવિધ યૌગિક ક્રિયા-પ્રક્રિયાની સમજ આંતરરાષ્ટ્રીયયોગ ગુરૂ શ્રી શૈલેષ રાઠોડ સમજ આપશે.
