(વર્તમાન પ્રવાહ ન્યુઝ નેટવર્ક)
સેલવાસ,તા.02 : દાદરા નગર હવેલી કેન્દ્રીય પ્રાથમિક શાળા ગલોન્ડા, લાયન્સ ઈંગ્લીશ સ્કૂલ અને જય હિંદ ઓપન ગ્રુપ સ્કાઉટ ગાઈડના 34 વિદ્યાર્થીઓ જેમાં 6 લીડર અને 4 કિચન ટીમ 1લી જાન્યુઆરી,2023ના રોજ બાંદ્રા ટર્મિનસ – જોધપુર સૂર્યનગરી એક્સપ્રેસ દ્વારા રાજસ્થાનના પાલી ખાતે 18મા રાષ્ટ્રીય જંબોરીમાં ભાગ લેવા વાપી રેલવે સ્ટેશનથી રવાના થયા હતા. આ સૂર્યનગરી એક્સપ્રેસ ટ્રેન મારવાડ પાલી વચ્ચે ટ્રેક ઉપરથી ઉતરી જતા કેટલાક લોકોને ઈજા થઈ હતી. આ અકસ્માતમાં દાનહ સ્કાઉટ ગાઈડની ટીમમાંથી કોઈને પણ ઈજા નથી થઈ હોવાની પુષ્ટિ દાનહના ડેપ્યુટી કલેક્ટર સુશ્રી ચાર્મી પારેખે એક અખબારી યાદીમાંકરી છે. દાનહથી રવાના થયેલા સ્કાઉટ ગાઈડના તમામ સભ્યો સુરક્ષિત હોવાના સમાચાર મળતા પરિવારના સભ્યોમાં રાહતની લાગણી જોવા મળી છે.
