અંડર-17માં દિવ્ય જ્યોતિ સ્કૂલ, સાર્વજનિક વિદ્યાલય, શ્રી માછી મહાજન અને શ્રીનાથજી સ્કૂલે સેમિ ફાઈનલમાં કરેલો પ્રવેશ
(વર્તમાન પ્રવાહ ન્યુઝ નેટવર્ક)
દમણ, તા.05 : સંઘપ્રદેશ પ્રશાસનના યુવા અને ખેલ વિભાગ દ્વારા આઝાદીના અમૃત મહોત્સવના ઉપલક્ષમાં આયોજીત દમણ જિલ્લા સ્પોર્ટ્સ સ્પર્ધામાં કબડ્ડીની રમતેતમામનું ધ્યાન આકર્ષિત કર્યું છે. આજે રમાયેલ અંડર-17 બોયઝ કબડ્ડી સ્પર્ધામાં કુલ 22 સ્કૂલની ટીમોએ ભાગ લીધો હતો.
આજે મોટી દમણના ફૂટબોલ ગ્રાઉન્ડ ખાતે યોજાયેલ કબડ્ડી સ્પર્ધામાં ત્રીજા દિવસે દિવ્ય જ્યોતિ સ્કૂલ દાભેલ, સાર્વજનિક વિદ્યાલય દમણ, શ્રી માછી મહાજન સ્કૂલ અને શ્રીનાથજી સ્કૂલે ઉત્કૃષ્ટ પ્રદર્શન કરી પોતાની સેમિ ફાઈનલમાં જગ્યા બનાવવા સફળ રહ્યા છે.
