(વર્તમાન પ્રવાહ વાપી બ્યુરો)
વાપીતા.01: વલસાડ જિલ્લા પોલીસના 3 પોલીસકર્મીની ઈ-ગુજકોપ પ્રોજેકટ અંતર્ગત ‘ઈ-કોપ ઓફ ધ મન્થ’ એવોર્ડ (ઓગસ્ટ 2022) માટે પસંદગી થતા જિલ્લા પોલીસ બેડામાં ખુશીની લાગણી ફેલાઈ છે.
આ અંગે મળતી વિગતો મુજબ મૂળ ભાવનગરના અકવાડાના વતની અને હાલ વાપી એસઓજીમાં એએસઆઈ તરીકે ફરજ બજાવતા વિક્રમ મનુભાઈ રાઠોડ અને પોલીસ કોન્સ્ટેબલ કેવલ લીલાભાઈ દેસાઈ અને સુરેશ ચંદુભાઈ કટેરીયાની ઈ-ગુજકોપ પ્રોજેક્ટ અંતર્ગત ‘ઈ-કોપ ઓફ ધ મન્થ’ એવોર્ડ (ઓગસ્ટ 2022) માટે પસંદગી થઈ છે. ગુજરાતના ડીજીપીના હસ્તે ત્રણેય પોલીસકર્મીને એવોર્ડ આપવામાં આવ્યા છે. સુંદર કામગીરી બદલ ત્રણેય પોલીસ જવાનોને એવોર્ડ મળતાજિલ્લાના પોલીસકર્મીઓએ હાર્દિક અભિનંદન પાઠવ્યા હતા અને ખુશીની લાગણી ફેલાયેલી જોવા મળી હતી.
