(વર્તમાન પ્રવાહ ન્યુઝ નેટવર્ક)
ચીખલી(વંકાલ), 05: પેટ્રોલ પંપ પર ગેસ પુરાવવા આવેલા કાર ચાલકોએ પંપના કર્મચારીને માર મારવાના બનાવમાં ચાર સામે ગુનો નોંધી પોલીસે તપાસ હાથ ધરી. પંપના કર્મચારીને માથામાં પાઈપનો ફટકો મારતા લોહી લુહાણ હાલતમાં હોસ્પિટલમાં ખસેડવામાં આવ્યો હતો.
બનાવની પોલીસ મથકેથી પ્રાપ્ત માહિતી અનુસાર ચીખલી નજીક થાલા નેશનલ હાઈવે પર આવેલા પરમ પેટ્રોલિયમ પર સીએનજી ગેસ પુરાવવા આવેલી મારુતિ આર્ટિગા કાર નં.એમએચ-14-ઈસી-0767 માં ગેસ પૂરતા કર્મચારી વિકી અરવિંદભાઈ પટેલ (રહે.ગોડથલ ઝાડી ફળીયા તા.ચીખલી) એ આર્ટિગા કાર ચાલકોને સીએનજી ગેસ પૂરતી વેળા કારમાંથી ઉતરી જવા જણાવતા કારમાં બેસેલ વ્યક્તિઓ નીચે ઉતરી ગયા હતા. બાદમાં સીએનજી પુરાઈ ગયા બાદ જેના નાણાં ચૂકવી સીએનજી પુરાવા આવેલા શખ્સોએ કર્મચારી વિકી પટેલ સાથે ગમે તેમ બોલી ઝપાઝપી કરી બાજુમાં પડેલ પીવીસીના પાઈપ વડે માથાના ભાગે ફટકા મારતા બૂમાબૂમ કરતા આજુબાજુના કર્મચારીઓ દોડી આવી બચાવ્યો હતો. જોકે અન્ય કર્મચારીઓ આવી જતા આર્ટિગા કારના ચાલકોત્યાંથી ફરાર થઈ ગયા હતા. બાદમાં વિકી પટેલને 108ની મદદે સારવાર અર્થે લઈ જવામાં આવ્યો હતો. બનાવ અંગેની ફરિયાદ વિકી અરવિંદભાઈ પટેલ (રહે.ગોડથલ ઝાડી ફળીયા તા.ચીખલી) એ કરતા પોલીસ આર્ટિગા કારમાં સવાર ચાર શખ્સો સામે ગુનો નોંધી વધુ કાયદેસરની કાર્યવાહી હાથ ધરી હતી.
