(વર્તમાન પ્રવાહ ન્યુઝ નેટવર્ક)
સેલવાસ,તા.05: શનિવારે દાદરા નગર હવેલી પોલીસની ટીમ પેટ્રોલિંગમાં હતી તે દરમ્યાન સાયલી ચાર રસ્તા નજીકની પસાર થઈ રહેલ શંકાસ્પદ ટેમ્પોની તપાસ કરતા ટેમ્પામાંથી ગેરકાયદેસર ભરેલ ખેરના લાકડાનો જથ્થો મળી આવ્યો હતા.ટેમ્પોચાલક અને મુદ્દામાલને પોલીસે વન વિભાગને સોંપવામાં દીધો હતો. દાનહ વન વિભાગના રેંજ ફોરેસ્ટ ઓફિસ (આર.એફ.ઓ.) શ્રી કિરણ પરમાર, રાઉન્ડ ઓફિસર શ્રી આર.કે.પટેલ, બીટ ઓફિસર શ્રી મયુર પટેલ સ્થળ ઉપર હાજર થઈ આરોપી દિનેશ ચંદુભાઈ ભુરકુડ (ઉ.વ.30) રહેવાસી-ગુજરાત અને ટેમ્પોમાંથી એક હજાર કિલો જેટલા ખેરના લાકડાનો જથ્થો જેની અંદાજીત કિંમત રૂા.પાંત્રીસ હજાર સહિત ઝડપી પાડી મુદ્દામાલ જપ્ત કરી ફરિયાદ નોંધી વધુ કાર્યવાહી માટે આરોપીને કોર્ટમાં રજૂ કરવામાં આવ્યો હતો.
