(વર્તમાન પ્રવાહ ન્યુઝનેટવર્ક)
સેલવાસ,તા.08: સેલવાસના ઝંડાચોક દેના બેંક બીલ્ડીંગમા રહેતા એક યુવાન ગુમ થયો હોવાની ફરિયાદ સેલવાસ પોલીસ સ્ટેશનમા નોંધાઈ છે.
પ્રાપ્ત વિગત અનુસાર ફરિયાદી દિલબહાદુર અજીકેશી રહેવાસી ઝંડાચોક દેના બેંક બીલ્ડીંગ સેલવાસ અને દેના બેંકમા સીક્યુરીટી ગાર્ડ તરીકે નોકરી કરે છે. જેમનો પુત્ર નિર્પ દિલબહાર કેશી (ઉ.વ.18) જે દેવકીબા મોહનસિંહ કોલેજમાં અભ્યાસ કરે છે જે ગત 19જાન્યુઆરીના રોજ બપોરે બે વાગ્યાના સુમારે ઘરે જમીને સેલવાસ લાઈબ્રેરીમાં વાંચવા માટે જાઉં છું, એમ કહીને બેગ લઈ ઘરેથી નીકળી ગયો હતો. જે પછી સાંજે પાંચ વાગ્યા સુધી ઘરે પરત નહીં આવતા એના મોબાઈલ પર સંપર્ક કરવાનો પ્રયાસ કરેલ પરંતુ મોબાઈલ સ્વીચ ઓફ હતો. ત્યારબાદ આજુબાજુ તેમજ સગાં-સબંધી-મિત્રોને ત્યાં તપાસ કરેલ પણ મળી આવેલ નહિ. ત્યારબાદ નિર્પ ગુમ થયો હોવાની ફરિયાદ સેલવાસ પોલીસ સ્ટેશનમા નોંધાવી હતી. જો કોઈને આ યુવાન અંગે કોઈપણ જાણકારી મળે તો સેલવાસ પોલીસ સ્ટેશનનો સંપર્ક કરવા જણાવવામાં આવ્યુ છે.
