ગુજરાતના બોલર વિશાલ જયશ્વાલે 17 ઓવરમાં 41 રન આપી 5 વિકેટ લઈ બાજી જીતમાં પલટી દીધી
(વર્તમાન પ્રવાહ વાપી બ્યુરો)
વાપી, તા.16: વલસાડમાં વલસાડ ડિસ્ટ્રિક ક્રિકેટ એસો. (બી.ડી.સી.એ.)ના સરદાર પટેલ સ્ટેડિયમમાં છેલ્લા ત્રણ દિવસથી કર્નલ સી.કે. નાયડુ ટ્રોફી મેચ ગુજરાત અને મુંબઈની ટીમની ફાઈનલ મેચ રમાઈ રહી હતી. જેમાં રમતના અંતે બે દાવમાં મુંબઈ ટીમને 191 રને હરાવી ગુજરાતની ટીમ ચેમ્પિયન બની હતી.
ગુજરાતની ટીમના ખેલાડીઓ છેલ્લા 211 દિવસથી દેશના વિવિધ સ્ટેડિયમમાં કર્નલ સી.કે. નાયડુ ટ્રોફીની મેચો વિવિધ ટીમો સાથે રમી રહ્યા હતા. પાઈનલ મેચ વલસાડના બી.ડી.સી.એ. ગ્રાઉન્ડમાં રમાઈ હતી. જેમાં ગુજરાતની ટીમે પ્રથમ દાવમાં 199 રન કર્યા હતા. મુંબઈની ટીમે જવાબમાં 189 માં ઓલઆઉટ થઈ હતી. બીજા દાવમાં સેકન્ડ ઈનિંગમાં ગુજરાતની ટીમ 309 રન કરી મુંબઈને ટાર્ગેટ આપ્યો હતો. જેમાં મુંબઈની ટીમ 128 રનમાં ઓલઆઉટ થઈ જતા ગુજરાતની ટીમ ફાઈનલ વિજેતા ચેમ્પિયન બની હતી. મેચમાં વિશાળ જયશ્વાલે 17 ઓવરમાં 41 રન આપી 5 વિકેટ ખેરવી મેચની બાજી પલટી દીધી હતી. આ ક્રિકેટ મેચ બી.સી.સી.આઈ. તરફથી યોજાઈ હતી. જેમાં ટીમ ઈન્ડિયા માટે નવા પ્લેયરનો સિલેકશન પણરાખવામાં આવ્યો હતો.
