લલીતાબેન કુવરે ઘરે પાસે ઝાડ ઉપર લટકી ફાંસો ખાધો
(વર્તમાન પ્રવાહ વાપી બ્યુરો)
વાપી, તા.20: ધરમપુરના અંતરિયાળ વિસ્તારના ધામણી ગામે આજે સોમવારે પ્રેમીના ઘરે લીવ ઈન રિલેશનમાં રહેતી 20 વર્ષિય યુવતિએ ઝાડ ઉપર લટકી ફાંસો ખાઈ આત્મહત્યા કરતા ગામમાં ચકચાર મચી જવા પામી હતી.
પ્રાપ્ત વિગતો અનુસાર ધરમપુરના ધામણી ગામે પ્રેમીના ત્યાં છેલ્લા 9 મહિનાથી લલીતાબેન કુવર (ઉ.વ.20) એ આજે અગમ્ય કારણોસર ઘરની પાસે આવેલ ઝાડ ઉપર લટકી આત્મહત્યા કરી લીધી હતી. ઘટનાની જાણ બાદ ધરમપુર પોલીસ ઘટના સ્થળે પહોંચી લાશનો કબજો કરી પી.એમ. માટે મોકલી આપી હતી. આત્મહત્યાનું કારણ અકબંધ રહ્યું છે.
