યુનિવર્સિટીની જુદી જુદી કોલેજની 20 ટીમોના 200 ઉપરાંત ખેલાડીઓએ ભાગ લીધો
(વર્તમાન પ્રવાહ વાપી બ્યુરો)
વાપી, તા.28: વાપી વી.આઈ.એ. ગ્રાઉન્ડમાં સાંદ્રાબેન શ્રોફ નર્સિંગ કોલેજ દ્વારા આંતર કોલેજ સ્પોર્ટસ ટૂર્નામેન્ટનું આયોજન કરવામાં આવ્યું હતું. વાપીમાં પ્રથમવાર આયોજીત સ્પોર્ટસ ટૂર્નામેન્ટમાં વિવિધ કોલેજોની 20 ટીમોના 200 ઉપરાંત ખેલાડીઓએ ભાગ લઈ ટૂર્નામેન્ટ સફળ બનાવી હતી.
સુરત, નવસારી, વલસાડ, ચીખલી સહિત ગ્રામ્ય કોલેજોના ખેલાડીઓને પ્રોત્સાહન મળે તેવા હેતુએ વાપીમાં સાંન્દ્રાબેન શ્રોફ નર્સિંગ કોલેજ દ્વારા માત્ર નર્સિંગ સ્ટુડન્ટ માટે આંતર કોલેજ સ્પોર્ટસ ટૂર્નામેન્ટનું આયોજન કરાયું હતું. જેમાં વિદ્યાર્થીઓ અને વિદ્યાર્થિનીઓની 20 ટીમોએ ભાગ લીધો હતો. વી.આઈ.એ. ગ્રાઉન્ડમાં આયોજીત ટૂર્નામેન્ટમાં ક્રિકેટ, ટેબલ ટેનિસ, વોલીબોલ જેવી સ્પર્ધાઓ યોજાઈ હતી. જેમાં પ્રથમ, દ્વિતિય અને તૃતિય આવનાર ખેલાડીઓને રોકડ પુરસ્કાર સહિત ઈન્ડિવિઝલ પ્રાઈઝ પણ રાખવામાં આવ્યા હતા. દક્ષિણ ગુજરાત યુનિવર્સિટીનર્સિંગ ફેકલ્ટી માટે ખાસ પ્રથમવાર જ સ્પોર્ટસ ટૂર્નામેન્ટ વાપીમાં યોજાઈ હતી. જેનો શ્રૈય સાંદ્રાબેન શ્રોફને આપવામાં આવ્યો હતો.
