ગંભીર રીતે ઘાયલ શ્રમિક પારડી કુરેશી હોસ્પિટલના આઈસીયુ વોર્ડમાં દાખલ
(વર્તમાન પ્રવાહ ન્યુઝ નેટવર્ક)
પારડી, તા.29: પારડીના ઉમરસાડી દેસાઈવાડ ખાતે રહેતા સુરેશભાઈ ગટુભાઈ હળપતિ ઉ.વ.41 પારડી કોલેજની બાજુમાં આવેલા નીરવાળા રો-હાઉસ ખાતે મજૂરી કામે આવ્યો હતો. જ્યાં કામ કરતા કરતા અચાનક 8 ફૂટ ઉંચાઈથી નીચે પટકાઈ ગંભીર રીતે ઘાયલ થતા સારવાર માટે કોન્ટ્રાકટરરણજીતભાઈ પારડી કુરેશી હોસ્પિટલ ખાતે લાવતા તેને હોસ્પિટલના આઈસીયુ વોર્ડમાં બેભાન અવસ્થામાં વેન્ટીલેટર પર સારવાર રાખવામાં આવ્યા છે. સુરેશભાઈને માથાના પાછળના ભાગે, ગળાના ભાગે તેમજ મણકાના ભાગે ગંભીર પ્રકારની ઈજાઓ પહોંચી હોય આ બાબતની ફરિયાદ સુરેશભાઈના ભત્રીજા ગુલાબભાઈએ પારડી પોલીસ મથકે કરતાં પારડી પોલીસે વધુ કાર્યવાહી હાથ ધરી છે.
