સિનિયર સેફટી-ફૂડ ઈન્સ્પેક્ટર દિવ્યાંગ બારોટ બેકરી લાયસન્સ માટે 60 હજારની લાંચ લેતા એ.સી.બી.ના હાથે ઝડપાયો હતો
(વર્તમાન પ્રવાહ વાપી બ્યુરો)
વાપી, તા.29: વલસાડ જિલ્લામાં એક બેકરી સંચાલકે બેકરી શરૂ કરવા ફૂડ એન્ડ ડ્રગ વિભાગમાં લાયસન્સ મેળવવા અરજી કરી હતી. આ લાયસન્સ માટે કોઈપણ જાતનું ચેકિંગ કર્યા સિવાય લાયસન્સ આપવા પેટે ફૂડ-ડ્રગ ઈન્સ્પેક્ટરે વાર્ષિક 60 હજારની લાંચ અરજી કર્તા પાસે કરી હતી. આ પ્રકરણમાં એ.સી.બી.એ છટકું ગોઠવીને સિનિયર ડ્રગ-ફૂડ ઈન્સ્પેક્ટરને 60 હજારની લાંચ લેતો રંગે હાથે ઝડપી પાડયો હતો. આરોપી ઈન્સ્પેક્ટરે બીજીવાર જેલમાંથી મુક્ત થવા નામદાર કોર્ટને જામીન અરજી કરી હતી. કોર્ટે નામંજૂર કરી અરજી ફગાવી હતી.
બેકરી સંચાલક લાંચ આપવામાંગતો નહોતો તેથી નવસારી એ.સી.બી.ને ફરિયાદ કરી હતી તેથી ટીમે કેરી માર્કેટ વખતે જે તે સમયે છટકું ગોઠવ્યું હતું. આ છટકામાં સિનિયર સેફટી ફૂડ-ડ્રગ ઈન્સ્પેક્ટર દિવ્યાંગ બાલકૃષ્ણ બારોટને રૂા.60 હજારની લાંચ સ્વિકારતા એ.સી.બી.એ રંગે હાથ ઝડપી પાડી જેલ ભેગો કર્યો હતો. આરોપી દિવ્યાંગ બારોટે કોર્ટમાં જેલમાંથી છૂટવા બીજીવાર જામીન અરજી કરી હતી. જેને નામદાર કોર્ટે ફગાવી દીધી હતી.
