(વર્તમાન પ્રવાહ ન્યુઝ નેટવર્ક)
દીવ, તા.05: દમણ અને દીવ લોકસભા બેઠક ઉપરથી અપક્ષ વિજેતા બનેલા સાંસદ શ્રી ઉમેશભાઈ પટેલે આજે દીવની મુલાકાત લઈ ઐતિહાસિક મતદાન કરી વિજેતા બનાવવા બદલ આભાર પ્રગટ કર્યો હતો.
નવનિર્વાચિત સાંસદ શ્રી ઉમેશભાઈ પટેલે દીવના વણાંકબારા ખાતેના મહાકાલેશ્વર મહાદેવ મંદિરની સાક્ષાત દંડવત થઈ પૂજા-અર્ચના કરી હતી. દીવમાં નવનિર્વાચિત સાંસદ શ્રી ઉમેશભાઈ પટેલનું કાર્યકરો દ્વારા ખુબ જ ઉમળકાભેર સ્વાગત કરવામાં આવ્યું હતું. શ્રી ઉમેશભાઈ પટેલના સમર્થકોએ ફટાકડા ફોડી મિઠાઈ વહેંચી વિજયોત્સવને મનાવ્યો હતો.
