Vartman Pravah
Breaking Newsડિસ્ટ્રીકટસેલવાસ

પ્રદેશ ભાજપ મહિલા મોર્ચાએ દાનહના તિઘરા અને કૌંચા ગામ ખાતેથી શરૂ કર્યો સેલ્‍ફી વિથ લાભાર્થી મહિલા કાર્યક્રમ

મિશન-2024 અંતર્ગત દાનહ અને દમણ-દીવની મહિલા લાભાર્થીઓને જોડવા શરૂ કરાયેલું અભિયાનઃ ગ્રામ્‍ય વિસ્‍તારની મહિલાઓને ભારત સરકારઅને સંઘપ્રદેશ પ્રશાસનની કલ્‍યાણકારી યોજનાઓની પણ આપવામાં આવેલી સમજ

(વર્તમાન પ્રવાહ ન્‍યુઝ નેટવર્ક)
સેલવાસ, તા.04: દાદરા નગર હવેલી અને દમણ-દીવ પ્રદેશ ભાજપ મહિલા મોર્ચાના અધ્‍યક્ષ શ્રીમતી સિમ્‍પલબેન કાટેલાએ આજે દાનહના તિઘરા અને કૌંચા ગામ ખાતે સેલ્‍ફી વિથ લાભાર્થી કાર્યક્રમની શરૂઆત કરી હતી.
પ્રાપ્ત માહિતી પ્રમાણે ભાજપના મિશન 2024ની તૈયારીના ભાગરૂપે લાભાર્થી મહિલાઓને પક્ષ સાથે જોડવાના શરૂ કરાયેલા અભિયાનના ભાગરૂપે સેલ્‍ફી વિથ મહિલા લાભાર્થી કાર્યક્રમની શરૂઆત કરવામાં આવી છે. આ અભિયાન અંતર્ગત મહિલા લાભાર્થીઓને પક્ષ સાથે જોડવા તેમની સાથે સેલ્‍ફી લેવા માટે પ્રદેશ મહિલા મોર્ચાની કાર્યકર્તાઓ દરેક ગામ અને પાડા તથા શહેરમાં પહોંચી રહી છે.
આજે પ્રદેશ ભાજપ મહિલા મોર્ચાના અધ્‍યક્ષ શ્રીમતી સિમ્‍પલબેન કાટેલા અને તેમની ટીમે દાનહની દાદરા પંચાયતના તિઘરા ગામના બોરપીવાસ અને ખાનવેલ જિલ્લાના કૌંચા ગામમાં પહોંચી મહિલાઓ સાથે બેઠક કરી તેમની સમસ્‍યાઓ સાંભળવાની સાથે લાભાર્થી મહિલાઓ જોડે સેલ્‍ફી પણ લેવામાં આવી હતી. આ કાર્યક્રમમાં ગ્રામીણ મહિલાઓને પ્રધાનમંત્રી અને સંઘપ્રદેશ પ્રશાસનની વિવિધ કલ્‍યાણકારી યોજનાઓની પણ માહિતી આપવામાં આવી હતી. દાદરા ખાતે પ્રદેશ ભાજપના ઉપ પ્રમુખ શ્રીમતીભારતીબેન હળપતિ અને કૌંચા ખાતે મહિલા મોર્ચાના પ્રદેશ સચિવ શ્રીમતી જયાબેન ગવળીએ સહયોગ આપી આ કાર્યક્રમને સફળ બનાવ્‍યો હતો. આ કાર્યક્રમમાં મહિલા મોર્ચાના પ્રદેશ અધ્‍યક્ષ શ્રીમતી સિમ્‍પલબેન કાટેલા ઉપરાંત મહિલા મોર્ચાના પ્રદેશ મહામંત્રી શ્રીમતી પુષ્‍પાબેન પટેલ, મહિલા મોર્ચા સેલવાસના જિલ્લા પ્રમુખ શ્રીમતી સુનંદાબેન, મહિલા મોર્ચા સેલવાસના જિલ્લા મહામંત્રી શ્રીમતી ક્રિનાબેન પાઠક અને મહિલા મોર્ચાના સભ્‍ય શ્રીમતી શબાનાબેન વગેરે ઉપસ્‍થિત રહ્યા હતા.

Related posts

દમણમાં પ્રદેશ સ્‍તરના આયોજીત ‘ગરીબ કલ્‍યાણ સમારંભ’માં ભારત સરકાર અને સંઘપ્રદેશ પ્રશાસનની સંવેદનશીલતાની ઝળકેલી ઝલક

vartmanpravah

આઇપીએસ અધિકારી મનોજ કુમાર લાલનીપુડુચેરીના ડીજીપી તરીકે નિમણૂક

vartmanpravah

દાદરા નગર હવેલી વન વિભાગ દ્વારા મોરખલમાં આરક્ષિત જંગલની જમીન પર કબ્‍જો કરનાર બે વ્‍યક્‍તિની કરાયેલી ધરપકડ

vartmanpravah

વલસાડ જિલ્લા-સંઘપ્રદેશમાં મંગળવારથી બોર્ડની પરીક્ષાનો આરંભ : કુલ 58738 વિદ્યાર્થીઓ પરીક્ષામાં બેઠા

vartmanpravah

ચીખલી તાલુકામાં ચુસ્‍ત પોલીસ બંદોબસ્‍ત વચ્‍ચે ગણેશ વિસર્જન કરાશે

vartmanpravah

શ્રી સ્‍વામિનારાયણ સેકન્‍ડરી એન્‍ડ હાયર સેકન્‍ડરી સ્‍કૂલ સલવાવના વિદ્યાર્થીઓની ધો.૧૦ બોર્ડમાં ઝળહળતી સિધ્ધિ

vartmanpravah

Leave a Comment