(વર્તમાન પ્રવાહ વાપી બ્યુરો)
વાપી, તા.26: વાપીની શ્રી એલ.જી. હરિઆ મલ્ટિપર્પઝ સ્કૂલમાં વિશ્વની પૃથ્વી દિવસની ઉજવણી કરવામાં આવી. 22 એપ્રિલના રોજ વિશ્વભરમાં પૃથ્વી દિવસમનાવવામાં આવી છે. ખાસ કરીને લોકો પૃથ્વી અને પર્યાવરણ વિશે જાગૃત થાય તે હેતુથી આ દિવસની ઉજવણી કરવામાં આવે છે. વાપીની શ્રી એલ.જી. હરિઆ મલ્ટિપર્પઝ સ્કૂલમાં પૃથ્વી દિન અંતર્ગત વિવિધ પ્રતિયોગિતાનું આયોજન કરવામાં આવ્યું. જેમાં ધોરણ 1 થી ધોરણ 4 માટે-વાલાપીસ વિથે નેચરલ મટિરિઅલ, ધોરણ 5 થી 8 માટે સેવ અર્થ સેવ લાઈફ-નાટક અને ધોરણ 7 થી 12 માટે બેસ્ટ આઉટ ઓફ વેસ્ટ (રિસાયકલ ધ વેસ્ટ) જેવી પ્રતિયોગિતાનું આયોજન કરવામાં આવ્યું હતું. આ પ્રતિયોગિતામાં વિદ્યાર્થીઓએ મોટી સંખ્યામાં ઉત્સાહપૂર્વક ભાગ લીધો હતો. વિદ્યાર્થીઓએ વર્તમાન પર્યાવરણીય પરિસ્થિતિને ધ્યાનમાં લઈને વિવિધ આબેહુબ કૃતિઓ રજૂ કરી કાર્યક્રમને સફળ બનાવ્યો. શાળા મેનેજમેન્ટ પ્રિંન્સિપાલ શ્રીમતી બીની પૌલે વિજેતા વિદ્યાર્થીઓને શાળા પરિવાર તરફથી અભિનંદન પાઠવ્યા હતા.
