(વર્તમાન પ્રવાહ ન્યુઝ નેટવર્ક)
સેલવાસ, તા.૨૭: દાદરા નગર હવેલી રાજસ્થાન સેવા સંગઠન દ્વારા આગામી ૯મેના રોજ દાદરામાં આયોજીત થનાર મહારાણા પ્રતાપ જયંતિ સમારોહને લઈ પોસ્ટર વિમોચન કરવામાં આવ્યું હતું. શ્રી મહારાણા પ્રતાપ જયંતિ નિમિતે પહેલા ૮મી મેના રોજ બાઈક રેલી કાઢવામાં આવશે અને ૯મેના રોજ શ્રી મહારાણા પ્રતાપની વિશાળ શોભાયાત્રા કાઢવામાં આવશે. જાધપુરથી પધારેલ આશા વૈષ્ણવ પાર્ટી દ્વારા સાંસ્કૃતિક કાર્યક્રમનું આયોજન કરવામાં આવ્યું છે. આ સમારોહની તડામાર તૈયારીઓ ચાલી રહી છે. જે સંદર્ભે આજે રાજસ્થાન સેવા સંગઠનના દરેક કાર્યકર્તા ઉપસ્થિત રહી સમારોહનું પોસ્ટર વિમોચન કરવામાં આવ્યું હતું.
