ઈન્ડસ્ટ્રીઝ, રિસર્ચ-લેબ, સર્વિસ બેઈઝ એન.જી.ઓ. અને ઈન્ડીવિઝલ કેટેગરી વિગેરેનો સમાવેશ
(વર્તમાન પ્રવાહ વાપી બ્યુરો)
વાપી, તા.07: 1918માં સયાજીરાવ ગાયકવાડ બરોડા સ્ટેટમાં સ્થપાયેલ ફેડરેશન ઓફ ઈન્ડસ્ટ્રીઝ ગુજરાતએ ગૌરવવંતા 105 વર્ષ પૂર્ણ કર્યા છે. ફેડરેશનના રજત જયંતિ વર્ષ 1993માં એફ.જી.આઈ. એવોર્ડ ફોર એક્સીલન્સનોપ્રારંભ કરવામાં આવ્યો છે.
એફ.જી.આઈ. વડોદરા દ્વારા આજે બુધવારે વાપી વી.આઈ.એ.માં યોજેલી પત્રકાર પરિષદમાં એવોર્ડ વિષયક વિસ્તૃત માહિતી આપવામાં આવી હતી. વેપાર, ઉદ્યોગ, સમાજ સેવા ક્ષેત્રમાં ઉત્કૃષ્ટ પ્રદર્શનને પ્રોત્સાહિત કરવામાં ફેડરેશન એવોર્ડ અર્પણ કરે છે. પ્રતિ બે વર્ષે એવોર્ડ એનાયત થાય છે તેમાં જુદી જુદી પાંચ કેટેગરીનો માપદંડ જ્યુરી નક્કી કરે છે. ભૂતકાળમાં આ એવોર્ડ ડો.કલામ, ડો.મનમોહન સિંઘ, નરેન્દ્ર મોદી, સુરેશ પ્રભુ, મનોહર પારીકર, મેનકા ગાંધી જેવા મહાનુભાવોને હસ્તે એવોર્ડ અપાયા હતા. 18મા એફ.જી.આઈ. એવોર્ડ માટે ઉદ્યોગક, કંપની, એન.જી.ઓ. ઈન્ડીવ્યુઝલ જેવી 13 કેટેગરીનો સમાવેશ છે. 17મા એવોર્ડ સમારોહમાં વાપીને બે એવોર્ડ એનાયત થયા હતા. જેમાં સરના ઈન્ડને એક્સપોર્ટ અને સુવિટોનને સી.એસ.આર.નો એવોર્ડ અપાયો હતો.