(વર્તમાન પ્રવાહ ન્યુઝ નેટવર્ક)
સેલવાસ, તા.14 : દાદરા નગર હવેલી જિલ્લા પંચાયતના પ્રાથમિકશિક્ષણ વિભાગના આદેશ મુજબ સેલવાસ નગરપાલિકા વિસ્તારની પ્રાથમિક શાળાના વિદ્યાર્થીઓ માટે સ્ટેડીયમ ગ્રાઉન્ડ સેલવાસ ખાતે 55મા કેન્દ્રિય રમતોત્સવનું આયોજન કરવામાં આવ્યું હતું. જેમાં વિવિધ શાળાના વિદ્યાર્થીઓએ આનંદ અને ઉત્સાહથી વિવિધ રમત સ્પર્ધામાં ભાગ લીધો હતો. અત્રે આયોજીત કેન્દ્રિય રમતોત્સવમાં 100 મીટર દોડ, 200 મીટર દોડ, 400 મીટર દોડ, રિલે દોડ, બરછીફેંક, શોટપુટ, યોગા, કેરમ, ટેબલ ટેનિસ, કબડ્ડી, ખોખો, વોલીબોલ, બેડમિન્ટન અને દોરડાખેંચ જેવી રમતોની સ્પર્ધાઓ યોજાઈ હતી. આ રમતોત્સવ નિમિત્તે ખેલાડીઓનો ઉત્સાહ વધારવા શાળાના આચાર્યો, રમત-ગમતના શિક્ષકો અને તમામ શિક્ષકો સહિત મોટી સંખ્યામાં વિદ્યાર્થીઓ ઉપસ્થિત રહ્યા હતા.
