ડાંગ, વલસાડ, નવસારી, સુરતના
આદિવાસી અગ્રણીઓ ઉપસ્થિત રહ્યા
(વર્તમાન પ્રવાહ વાપી બ્યુરો)
વાપી, તા.25: ભારત સરકાર આગામી સમયે દેશમાં યુનિફોર્મ સિવિલ કોડ લાગુ કરવા જઈ રહી છે તે પહેલાં સરકારે લોકો પાસેથી ફીડબેક મંગાવ્યા છે. જેની અંતિમ તા.14 જુલાઈ છે. તેના સંદર્ભમાં દક્ષિણ ગુજરાત આદિવાસી ઝોનની યુનિફોર્મ સિવિલ કોડના વિરોધમાં મિટિંગ યોજાઈ હતી. વેડછીમાં યોજાયેલ આ મિટિંગમાં ડાંગ, વલસાડ, નવસારી, સુરતના આદિવાસી અગ્રણી ઉપસ્થિત રહ્યા હતા તેમજ યુનિફોર્મ સિવિલ કોડનો વિરોધ કર્યો હતો.
સમસ્ત ગુજરાતનો આદિવાસી સમાજ યુનિફોર્મસિવિલ કોડના વિરોધમાં એકજૂથ થઈ રહ્યો હોવાની વિગતો બહાર આવી છે. તે માટે વિવિધ ચાર ઝોનની રચના કરાઈ છે. તેમાં ઉત્તર ગુજરાત ઝોન, મધ્ય ઝોન અને દક્ષિણ ગુજરાત ઝોનની વિવિધ તારીખે મિટિંગોનું આયોજન કરવામાં આવ્યું છે તે પૈકી દક્ષિણ ગુજરાત ઝોનની મિટિંગ શનિવારના રોજ વેડછી ડી. તાપી ખાતે મિટિંગ યોજાઈ હતી. ધારાસભ્ય અનંત પટેલની અધ્યક્ષતામાં યોજાયેલ મિટિંગમાં અમરસિંહ ઝેડ ચૌધરી, કલ્પેશ પટેલ, ધરમપુર સહિતના આગેવાનો જોડાયા હતા. સભામાં વકીલો, ડોક્ટરો, આગેવાનો ઉપસ્થિત રહ્યા હતા.