સૌથી વધારે ઉમરગામ અને વલસાડમાં ત્રણ-ત્રણ ઈંચ વરસાદ પડયો
(વર્તમાન પ્રવાહ વાપી બ્યુરો)
વાપી, તા.26: પ્રતિવર્ષ કરતા આ વર્ષે ચોમાસાનું આગમન સરેરાશ દશ દિવસ ખેંચાયું છે. એવરેજ જૂન 10 થી 15 વચ્ચે વલસાડ જિલ્લામાં વરસાદ એન્ટ્રી લઈ લેતો હતો પરંતુ વર્ષે સાયક્લોનને લીધે હવામાનમાં ફેરફાર આધિન ચોમાસા ઉપર અસર થયેલી જોવા મળી છે. અલબત્ત છેલ્લા 24 કલાકમાં વાપી સહિત સમગ્ર જિલ્લામાં ચોમાસાએ દસ્તક દઈ દીધા છે. ક્યાંક ઓછો તો ક્યાંક વધુ પણ વરસાદે ધરણી ભીંજવીને વાતાવરણને મન મોહક ઠંડું જરૂર કરી દીધું છે.
વલસાડ જિલ્લામાં મોસમનો સૌથી વધુ વરસાદ ઉમરગામ વિસ્તારમાં અને વલસાડ વિસ્તારમાં પડયો છે. એવરેજ ત્રણ-ત્રણ ઈંચ વરસાદ નોંધાયો છે. ઉનાળાની અતિશય કાળઝાળ ગરમી અને તેમાં પણ વરસાદ ખેંચાતા લોકો ભારે અકળામણ અનુભવતા હતા ત્યાં જ વરસાદે દસ્તક દેતાની દેતાની સાથે જ વાતાવરણમાં શિતળતા લહેરાતી થઈ જવા પામી છે. એ.સી.ના બટન પ્રકૃતિએ ઓફ કરાવી દીધા છે તો રેઈનકોટ અને છત્રીઓ સાથેનું જનજીવન હલચલ કરતું નજરાઈ રહ્યું છે. વહેલી સવારે બે બપોરે સ્કૂલમાં જતા ભુલકાઓ પણ રેઈનકોટ કેછત્રીનો સથવારો લીધેલો જોવા મળે છે. હવે ખરી પરીક્ષા પાલિકા અને પંચાયતોની થવાની છે. પ્રિમોન્સુન કામગીરીની વેઠ આધિન ઠેર ઠેર રોડ રસ્તા ધોવાઈ જવાના કે ખાડા પડવાનો નજારો પણ વરસાદમાં આમ રીતે જોવા મળશે.
