સમગ્ર પંથકમાં તાલુકા વિકાસ અધિકારીના એક તરફી ઈલુ ઈલુના પ્રકરણે જગાવેલી ચર્ચાઃ વિરોધીઓએ સ્ક્રીન શોટ પાડી મેસેજને કરેલો વાયરલ
– દિગેશ કડિયા દ્વારા
(વર્તમાન પ્રવાહ ન્યુઝનેટવર્ક)
હિંમતનગર, તા.05: સાબરકાંઠા જિલ્લાના ઈડર તાલુકા પંચાયતના તાલુકા વિકાસ અધિકારી દિનેશ પટેલના એક તરફી પ્રેમ પ્રકરણની ચર્ચા હાલમાં સોશિયલ મીડિયામાં છવાયેલી છે. એક મહિના પહેલાં તાલુકા વિકાસ અધિકારી દિનેશ પટેલે પોતાના સોશિયલ મીડિયા પ્લેટફોર્મ ઉપરથી પ્રેમ પ્રકરણનો મેસેજ ઈરાદાપૂર્વક યા ભૂલથી વાઈરલ થઈ ગયો હતો. પરંતુ તે વખતે તાલુકા પંચાયતના અન્ય કર્મચારીઓએ આ મેસેજ જોતાં તાત્કાલિક ધોરણે દિનેશ પટેલના પ્રેમ પ્રકરણનો મેસેજ ડિલિટ કરાવવામાં આવ્યો હતો. પરંતુ ત્યારબાદ ઈડર નરેગા ગ્રુપમાં તાલુકા વિકાસ અધિકારી દિનેશ પટેલે એક મહિલા કર્મચારીને તેઓ ખુબ યાદ આવતા હોવાનો મેસેજ ઈડર નરેગા ગ્રુપમાં કર્યો હતો. આ સમગ્ર મામલે ગ્રુપના અન્ય કર્મચારીઓએ આ મેસેજનો સ્ક્રીન શોટ પાડી વાઈરલ કર્યો હતો. જેના કારણે મહિલા કર્મચારી પણ ક્ષોભજનક સ્થિતિમાં વિના વાંકે મુકાવા પામ્યા છે.
મળતી માહિતી પ્રમાણે તાલુકા વિકાસ અધિકારી દિનેશ પટેલ તાલુકાની એક મહિલા કર્મચારી સાથે વારંવાર સોશિયલ મીડિયામાં અજૂગતી માંગણીઓ કરી રહ્યા હોવાનું પણ સામે આવ્યું છે. ત્યારે તાલુકા વિકાસ અધિકારી દિનેશ પટેલના વિરોધીઓએ સોશિયલ મીડિયામાં તેમના દ્વારા કરાતા બેજવાબદારમેસેજોને વાઈરલ કરાઈ રહ્યા છે.
તાલુકા વિકાસ અધિકારી દિનેશ પટેલ એક તરફી પ્રેમમાં પાગલ થયા હોવાનું માનવામાં આવે છે. પરંતુ તેમના દ્વારા થતી હરકતથી એક નિર્દોષ મહિલા કર્મચારીને ક્ષોભજનક સ્થિતિમાં મુકાવા પડી રહ્યું છે તે પણ વાસ્તવિકતા છે.
તાલુકા વિકાસ અધિકારીએ આવી હરકતોના કારણે અન્ય મહિલા કર્મચારીઓ પણ તેમની ઓફિસમાં એકલા જવાનું ટાળી રહ્યા હોવાનું સમગ્ર પંથકમાં ચર્ચાઈ રહ્યું છે.
