(વર્તમાન પ્રવાહ ન્યુઝ નેટવર્ક)
સેલવાસ, તા.14 : આજે સવારના મોડી સાંજ સુધી દાદરા નગર હવેલીમાં પાંચ ઇંચથી વધુ વરસાદ ખાબક્યો હતો. દાદરા નગર હવેલી તથા ઉપરવાસમાં વરસેલા ભારે વરસાદના કારણે મધુબન ડેમમાં પાણીની આવક વધતા છ દરવાજા અડધો મીટર સુધી ખોલવામાં આવ્યા છે.
આજે સેલવાસમાં 131.6એમએમ પાંચ ઇંચથી વધુ અને ખાનવેલમાં 57.8 એમએમ બે ઇંચથી વધુ વરસાદ વરસી ચુક્યો છે. જ્યારે સિઝનનો કુલ વરસાદ 1104.6 એમએમ 43.49 ઇંચ અને ખાનવેલમાં 964.9 એમએમ 37.99 ઇંચ થયો છે. મધુબન ડેમનું લેવલ 70.70 મીટર છે. ડેમમાં પાણીની આવકમાં વધારા સાથે 7365 ક્યુસેક અને પાણીની જાવક 10433 ક્યુસેક નોંધાઈ છે.