-
યુવતી સાથે ઈન્સ્ટ્રાગ્રામ ઉપર ફોલોઅર્સ વધારી આર્થિક વળતર આપવાની લાલચ આપી હતી : આરોપી એમ.ડી. મસુદ ઉલહકને પોલીસે ઝડપી લીધો
(વર્તમાન પ્રવાહ વાપી બ્યુરો)
વાપી, તા.28
સોશિયલ મીડિયા થકી યુવતી સાથે મિત્રતા કેળવી જુદી જુદી વાતોમાં ફસાવી, બદનામ, બરબાદઅને આર્થિક, શારિરીક શોષણ તેમજ બ્લેકમેઈલ કરવાની ઘટનાઓ વધી રહી છે. તેવી ઘટના વલસાડની યુવતિ સાથે ઘટના સાઈબર ક્રાઈમ પોલીસમાં યુવતિની ફરિયાદ બાદ હૈદરાબાદના આરોપીને આબાદ રીતે ઝડપી પાડયો હતો.
વલસાડની યુવતિ હૈદરાબાદના આરોપી યુવક એમ.ડી.મસુદ ઉલહક સાથે સોશિયલ મીડિયાથી સંપર્કમાં આવી હતી. આરોપીએ ઈન્સ્ટ્રાગ્રામ ઉપર 1000 ફોલોઅર્સ વધારવાની આર્થિક લાલચ આપી યુવતિ સાથે મિત્રતા કેળવી લીધી હતી. ત્યારબાદ અશ્લિલ વીડિયો બનાવીને રીતસરની ધમકી આપવા લાગેલો. સોશિયલ મીડિયામાં વીડિયો વાયરલ કરવાની ધમકી આપી મોટી રકમની માંગણી કરેલી તેથી યુવતીએ અંતે વલસાડ સાઈબર ક્રાઈમમાં ફરિયાદ નોંધાવી હતી. પોલીસે ટેકીનકલ રીતે તપાસ કરતા મસુદે 1પ જેટલા સોશિયલ મીડિયા એકાઉન્ટ બનાવી અન્ય ચાર યુવતિના વીડિયો પણ બનાવી લીધાનું તપાસમાં બહાર આવ્યું હતું.
અંતે પોલીસે યુવતિ દ્વારા રૂપિયા આપવાની લાલચ અપાવીને વલસાડ બોલાવેલ. આ છટકામાં આરોપી આબાદ રીતે પોલીસના હાથે ઝડપાઈ ગયો હતો. પોલીસે જાહેર અપીલ કરી છે કે અજાણી વ્યકિતઓ સાથે સોશિયલ મીડિયામાં સંપર્કમાં આવવું નહીં ખાસ કરીને યુવતી માટે ખુબ જોખમી બની શકે છે.