(વર્તમાન પ્રવાહ ન્યુઝ નેટવર્ક)
પારડી, તા.25: પારડી પોલીસ સ્ટેશનના એ.એસ.આઈ. સીએસ સંગાડા તથા પ્રદીપસિંહ પ્રતાપસિંહ, જીતેન્દ્ર અમૃત, અશોક મૂળજી, ભરતસિંહ માનસિંહ, અંકિત નવીન તથા સંજય જશરાજ સહિત અન્ય પોલીસ કર્મીઓ પારડી કલસર ચેકપોસ્ટ પાસે ચેકિંગ કરી રહ્યા હતા. આ દરમિયાન તેઓને ઉમરગામ પોલીસ સ્ટેશનના ચોરીના ગુનામાં વોન્ટેડ ગુલાબ અમૃતભાઈ ધોળી. રહે.મલાઉ,માનપાડા ઉમરગામ. દમણથી કલસર થઈ પારડી આવી રહ્યો હોવાની બાતમી મળતા કલસર ચેકપોસ્ટ પર સઘન ચેકિંગ હાથ ધરી બાતમી વાળો વ્યક્તિ રાખોડી કલરનું ટીશર્ટ અને લીલા કલરનો નાઈટ પેન્ટ પહેરેલ આવી ચડતા તેને અટકાવી પૂછપરછ દરમિયાન તેણે પોતાનું નામ ગુલાબ અમૃતભાઈ ધોળી કહેતા તે ઉમરગામ પોલીસ સ્ટેશન ખાતે ચોરીના ગુનામાં વોન્ટેડ હોય તેની ધરપકડ કરી ઉમરગામ પોલીસને આ અંગેની જાણ કરી આરોપીનો કબજો લેવા જણાવ્યું હતું.
