(વર્તમાન પ્રવાહ ન્યુઝ નેટવર્ક)
વલસાડ, તા.10: વલસાડ તાલુકાના અટાર ગામનીપી.કી.ડી વિદ્યાલયમાં વ્યક્તિ વિશેષ કાર્યક્રમ રોટરી કલબ વલસાડ અને ઈનરવ્હીલ કલબ વલસાડના સંયુક્ત ઉપક્રમે યોજાયો હતો. જેમાં ચિત્રકલા અને શિક્ષણ સ્પર્ધા રાખવામાં આવી હતી. કાર્યક્રમમાં ઉપસ્થિત નિવૃત પ્રાફેસર ડૉ. સુનીલભાઈ મરજાદીએ ધો.10 અને 12 ના બાળકોને શિક્ષણ લક્ષી કારકિર્દી માર્ગદશન આપ્યું હતું. સ્પર્ધામાં વિજેતા થયેલા બાળકોને પ્રમાણપત્ર, ઈનામ તથા પ્રાથમિક વિભાગના બાળકોને વોટરબેગ આપવામાં આવી હતી. રોટરી કલબ વલસાડના પ્રમુખ મનીષભાઈ ભરૂચા અને ઈનરવ્હીલ કલબ વલસાડના પ્રમુખ નેહાબેન આ કાર્યક્રમમાં ઉપસ્થિત રહ્યા હતા. નવસર્જન કેળવણી મંડળના પ્રમુખ ભીખુભાઈ એમ. દેસાઈ, મંત્રી ડૉ.દીપકભાઈ જી. દેસાઈ, ઉપપ્રમુખ બળવંતરાય ગજધર તથા શાળાના આચાર્ય જીતેન્દ્રકુમાર એમ. ટંડેલ તરફથી રોટરી કલબ વલસાડ અને ઈનરવ્હીલ કલબ વલસાડનો આભાર વ્યક્ત કરવામાં આવ્યો હતો.
