વોટર ટ્રીટમેન્ટની અધ્યતન ટેકનોલોજીનું ઉદ્યોગકારોને માર્ગદર્શન અપાયું
(વર્તમાન પ્રવાહ વાપી બ્યુરો)
વાપી, તા.10: વાપી પેપર ઈન્ડસ્ટ્રીઝમાં ભારતભરમાં અગ્રેસર છે. વાપીમાં 40 ઉપરાંત પેપર મિલો કાર્યરત છે તેથી પેપર મિલ હબ પણ વાપી ગણાય છે. યુનાઈટેડ ઈન્ડસ્ટ્રીયલ ડેવલપમેન્ટ ઓર્ગેનાઈઝેશન (યુ.એન.આઈ.ડી.ઓ.) દ્વારા બુધવારે વાપીમાં વર્કશોપનું આયોજન કરવામાં આવ્યું હતું. તેમાં વાપીના આગેવાન પેપર મિલના ઉદ્યોગપતિઓએ ભાગ લીધો હતો.
ભારત સરકાર દ્વારા કાર્યકર યુનાઈટેડ ઈન્ડસ્ટ્રીયલ ડેવલપમેન્ટ ઓર્ગેનાઈઝેશન (યુ.એન.આઈ.ડી.ઓ.) ઈન્ડસ્ટ્રીઝ માટે આધુનિક ટેકનોલોજીના એપ્લીકેશન માટેમાર્ગદર્શન સહિત જરૂરી સુવિધાઓ પુરી પાડે છે. બુધવારે વાપીમાં પેપર ઈન્ડસ્ટ્રીઝ માટે પેપર મિલોના વેસ્ટ વોટર ટ્રીટમેન્ટ માટે અધ્યતન ટેકનોલોજી મેમ્બ્રેન ફિલ્ટટેરેશન ટેકનોલોજી અંગે વિસ્તૃત માર્ગદર્શન આપવા માટે ખાસ વર્કશોપનું આયોજન કરવામાં આવ્યું હતું. વર્કશોપ સી.પી.પી.આર.આઈ.ના સહયોગથી કરવામાં આવ્યું હતું. ગુજરાત પેપર મિલ એસોસિએશન અને ડી.પી.આઈ.આઈ.ટી. જી.ઓ.આઈ. દ્વારા સમર્થિત વર્કશોપ મોટી સંખ્યામાં ઉદ્યોગકારો ઉપસ્થિત રહ્યા હતા.
