(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.14: નવસારી એલસીબી પોલીસનો સ્ટાફ ચીખલી વિસ્તારમાં પેટ્રોલીંગમાં હતો. તે દરમ્યાન બાતમી મળી હતી કે એક મહેન્દ્ર જીપ નં. જીજે-01-એચડી-4722માં સેલવાસથી દારૂ ભરી સુરત તરફ જનાર છે. જે હકીકત બાતમીના આધારે નવસારી એલસીબી પોલીસની ટીમ સરૈયા ગામે અંબિકા નદીના પુલ પાસે ટાંકલથી સણવલ્લા રોડ ઉપર વોચ ગોઠવી હતી. આ દરમ્યાન બાતમી મુજબની મહિન્દ્રા જીપ આવતા જેને રોકી તલાસી લેતા અંદરથી વિદેશી દારૂની નાની મોટી બોટલ નંગ-155 કિં. રૂા.1,25,400/- મળી આવતા જે અંગેની પાસ પરમીટ માંગતા ન હોવાનું જણાવતા પોલીસે એક મોબાઈલ કિં. રૂા.5,000/-, જીપની કિં. રૂા. 1,00,000/- મળી કુલ્લે રૂા.2,31,400/-નો મુદ્દામાલ કબ્જે કરી દારૂ ભરેલ કારનું વહન કરનાર દિનેશ ભેરારામ બીસનોઈ (ભાદુ) (રહે.નરોલી ચાર રસ્તા પાસે ભાડાના રૂમમાં સેલવાસ)ની ધરપકડ કરી હતી. જ્યારે દારૂનો જથ્થો ભરાવનાર વિમલ જાટ ચૌધરી (રહે.સેલવાસ) તથા અન્ય એક અજાણ્યા ઈસમ મળી બે જેટલાને વોન્ટેડ જાહેર કરી વધુ તપાસ પોલીસ કરી રહી છે.
