સાપ્તાહિકના તંત્રી ભદ્રેશ પંડયા કારમાં ઘરે જતા હતા ત્યારે
ગરનાળા પાસે અકસ્માત સર્જાયો હતો
(વર્તમાન પ્રવાહ વાપી બ્યુરો)
વાપી, તા.15: વાપીમાં નવા રેલવે ગરનાળા પાસે ગયા સપ્તાહે પત્રકારને ટેમ્પો ચાલકે ટક્કર મારી અકસ્માત કરી ફરાર થઈ ગયો હતો. વાપી ટાઉન પોલીસે ફરાર ટેમ્પો ચાલકને ઝડપી પાડયો છે.
વાપીમાં સાપ્તાહિક ચલાવતા પત્રકાર ભદ્રેશભાઈ પંડયા ગયા સપ્તાહમાં કામકાજ પતાવી કાર લઈને ચલા ઘર તરફ જતા હતા ત્યારે નવા રેલવે ગરનાળા પાસે તેમની કારને એક ટેમ્પા ચાલકે અકસ્માત કર્યો હતો. ભદ્રેશભાઈ કાર ઉભી રાખી ટેમ્પો ચાલકને વાત કરવા ગયેલા ત્યારે ટેમ્પો ચાલકે ભદ્રેશભાઈને અડફેટમાં લઈ ટેમ્પો ચાલક ફરાર થઈ ગયો હત. પટકાયેલ ભદ્રેશભાઈને ફેક્ચર થયું હતું તેથી ખાનગી હોસ્પિટલમાં સારવાર માટે ખસેડાયેલા હતા. અકસ્માત બાદ નોંધાયેલ ફરિયાદની તપાસ ટાઉન પોલીસે હાથ ધરી હતી. અંતે એક સપ્તાહ બાદ ફરાર ટેમ્પો ચાલક પ્રિન્સ છત્રબલી સિંહ રહે. જે ટાઈપને ગુરુવારે સાંજના ધરપકડ કરી હતી.
