લાયન્સ બ્લડ બેંકમાં રક્તદાન કેમ્પ, સ્વચ્છતા અભિયાન,
સરકારીયોજનાના કાર્ડ વિતરણ કરાશે
(વર્તમાન પ્રવાહ વાપી બ્યુરો)
વાપી, તા.16: વાપીમાં વડાપ્રધાન નરેન્દ્ર મોદીના 73મા જન્મદિવસની ઉજવણીના ભાગરૂપે વિવિધ સેવા કાર્યોનું ભાજપ પરિવાર દ્વારા આયોજન કરવામાં આવ્યું છે.
વાપીમાં રવિવારે સવારે 9:00 કલાકે એન્જિનિયર એસોસિએશન અને લઘુ ઉદ્યોગ ભારતી વલસાડ જિલ્લા દ્વારા લાયન્સ બ્લડ બેંકમાં રક્તદાન શિબિરનું આયોજન થશે. તે પછી છીરી પંચાયત વિસ્તારમાં સ્વચ્છતા અભિયાન, ત્યાર બાદ કેન્દ્ર સરકારની વિવિધ યોજનાના લાભાર્થીને કાર્ડ વિતરણ અને મુલાકાત વાપી પાલિકા ખાતે કરવામાં આવશે. જિલ્લા ભાજપ પરિવાર દ્વારા વડા પ્રધાન નરેન્દ્ર મોદીના જન્મ દિનની ઉજવણી સમગ્ર પખવાડીયું વિવિધ સેવા કાર્યો દ્વારા થનાર છે.
