(વર્તમાન પ્રવાહ વાપી બ્યુરો)
વાપી, તા.21: આ ધ્યેય સાથે લાયન્સ ક્લબ ઑફ વાપી આલ્ફાએ લાયન્સ સાયક્લોથોનનું સ્વપ્ન જોયું.
આમ પણ આલ્ફા ક્લબ અનુપમ ફંડ રેઈઝ કાર્યક્રમ માટે પ્રખ્યાત છે. લાયનિઝમના ઈતિહાસમાં સૌપ્રથમવાર આયોજીત સાયક્લોથોન, ક્લબના દરેક સભ્યોની ચાર મહિનાની સખત મહેનત અને લિયો ક્લબ યુનિટીના સહકાર તથા વાપી અને તેની આસપાસના 185સાયકલ સવારોથી આ ભગીરથ કાર્ય સંપન્ન થયું.
રવિવારની ફૂલગુલાબી ઠંડી સવારે જ્યારે આ દરેકે એકસાથે સાયકલને પેડલ માર્યા ત્યારે દીકરીઓના શિક્ષણ માટે રચાયેલી સાયક્લોથોન સફળતા શિખર પર જઈને બેઠી.
આ હરિફાઈમાં પુરુષ અનેસ્ત્રી વિભાગ એક જ રાખીને જાતિ ભેદ અંગે ન્યાય અને સમાનતાની જાગૃતિ ફેલાવવાનું ઉત્તમ ઉદાહરણ પુરું પાડ્યું હતું.
લાયન્સ સાયક્લોથોનને ઉપાસના સ્કૂલથી ડીસ્ટ્રીક્ટ ગવર્નર લા.મુકેશભાઇ પટેલે લીલી ઝંડી બતાવી હતી. ત્યાંથી અંભેટી સુધી સાયકલવીરોએ બેટી પઢાઓનો પ્રચાર કર્યો હતો. 5,10,25 કિમીની રેસમાં ઉંમર પ્રમાણે 4 વિભાગ પાડવામાં આવ્યા હતા. દરેક વિભાગમાં પ્રથમ આવનાર વિજેતાને સાયકલ તથા દ્વિતીય અને તૃતીય વિજેતાને બેગ ઈનામનાં આપવામાં આવ્યા હતા.
યુવાનો અને વરિષ્ઠોને ઉત્સાહ પુરું પાડતી આ સાયક્લોથોન બેટી પઢાઓ અને બેટીને ઉજ્જવળ ભવિષ્ય માટે આગળ વધારોના સૂત્ર સાથે સફળતાને વરી હતી.
