ઉમરગામ તાલુકા અને શહેર, પારડી તાલુકા અને શહેર તેમજ વાપી તાલુકા અને શહેર સંગઠનની જિલ્લા પ્રમુખ દિનેશભાઈ પટેલના અધ્યક્ષતા હેઠળ મળેલી બેઠક
(વર્તમાન પ્રવાહ ન્યુઝ નેટવર્ક)
સરીગામ, તા.21: આગામી લોકસભાની ચૂંટણીની તૈયારીના ભાગરૂપે વલસાડ જિલ્લા કોંગ્રેસના સહપ્રભારી અને એઆઈસીસીના મહામંત્રી શ્રીમતી ઉષાબેન નાયડુ અને ગુજરાત પ્રદેશ કોંગ્રેસ સમિતિના મહામંત્રી શ્રી તરુણભાઈ વાઘેલાના માર્ગદર્શન હેઠળ વલસાડ જિલ્લાના ત્રણ તાલુકાઅને શહેરના સંગઠનની બેઠકનું આયોજન કર્યું હતું. વલસાડ જિલ્લા કોંગ્રેસ પ્રમુખ શ્રી દિનેશભાઈ પટેલના અધ્યક્ષતા હેઠળ મળેલી બેઠકમાં તાલુકા અને કોંગ્રેસના પ્રમુખો તેમજ અગ્રણી કાર્યકર્તાઓએ પક્ષને મજબૂતીકરણ માટેની ચર્ચા વિચારણા કરવામાં આવી હતી.
આ બેઠકમાં ઉમરગામ તાલુકા કોંગ્રેસ સમિતિના પ્રમુખ શ્રી ફુલજીભાઈ પટેલ, માજી પ્રમુખ શ્રી ચંદુભાઈ પટેલ, વલસાડ જિલ્લા પ્રમુખશ્રી વિનયભાઈ વાડીવાલા, માજી જિલ્લા પંચાયત સભ્ય નરેશભાઈ વડવી, ઉમરગામ શહેર પ્રમુખ શ્રી સુરેશભાઈ યાદવ, પાલિકાના સભ્યો શ્રી દિલશેરભાઈ ચૌહાણ, મહિલા કોંગ્રેસ પ્રમુખ શ્રીમતી કુસુમબેન ધોડી, આગેવાન શ્રી ગોદરેજભાઈ, શ્રી જયેશભાઈ પટેલ, શ્રી મહેશભાઈ, શ્રી રવિન્દ્રભાઈ માછી, શ્રી હસમુખભાઈ આ ઉપરાંત પારડી તાલુકા કોંગ્રેસ પ્રમુખ શ્રી મેહુલભાઈ વસી, ઉપપ્રમુખ શ્રી સતિષભાઈ પટેલ, પારડી શહેર પ્રમુખ શ્રી બીપીનભાઈ પટેલ, મહિલા પ્રમુખ શ્રીમતી જીનલબેન પટેલ, શહેર કોંગ્રેસ મહામંત્રી શ્રી કપિલભાઈ હળપતિ, શ્રી ધીરુભાઈ પટેલ, શ્રી વિજયભાઈ પટેલ, શ્રી ધર્મેશભાઈ હળપતિ, શ્રી દિનેશભાઈ ભરતીયા વગેરે કોંગ્રેસી કાર્યકર્તાઓની હાજરી જોવા મળી હતી.
