સેલવાસના બંગલામાં નોકર બની ફરજ બજાવતા થાનાજી ઠાકોર અને હરીશ ઠાકોર ચોરી કરી વતન બનાસકાંઠા જવા નિકળતા પોલીસે ઈમરાન નગરથી ઝડપી પાડયા
(વર્તમાન પ્રવાહ વાપી બ્યુરો)
વાપી, તા.21: સેલવાસ બંગલામાં નોકર તરીકે ફરજ બજાવતા બે નોકરો બંગલામાં રોકડા રૂપિયા 1.61 લાખ અનેસોનાના ઘરેણા મળી કુલ રૂા.20 લાખની ચોરી કરી વતન બનાશકાંઠા પહોચે તે પહેલા વાપી પોલીસે બન્ને ચોરોને ઈમરાનનગરમાં ધબોચી લીધા હતા.
વાપી પોલીસ રૂટીન વાહન ચેકિંગમાં હતી ત્યારે ઈમરાનનગરમાં રિક્ષામાં જઈ રહેલ બે શંકાસ્પદ ઈસમો લાગતા પોલીસે રીક્ષામાંથી ઉતારી તેમની પૂછપરછ કરી હતી તેમજ તેમની બેગ ચેકિંગ કરતા પોલીસ ચોકી ગઈ હતી. બેગમાં રોકડા રૂપિયા 1.61 લાખ અને રૂા.18.50 લાખના સોનાના ઘરેણા મળી આવ્યા હતા. પોલીસે બન્નેની અટક કરી પોલીસ સ્ટેશન લાવી પૂછપરછ કરી હતી. આરોપીઓએ જણાવ્યું હતું કે, સેલવાસ બંગલામાં 15 દિવસ પહેલા નોકરી કરવા જોડાયા હતા. બન્ને આરોપીઓ તેમના નામ થાનાજી ઠાકોર અને હરીશ ઠાકોર રહે.બનાશકાંઠા વાવ જણાવેલ પોલીસે રૂા.20 લાખનો મુદ્દામાલ જપ્ત કરી બન્ને આરોપી ચોરને સેલવાસ પોલીસને સોંપવાની તજવીજ હાથ ધરી હતી.
