રાબીયા પેલેસમાં શોર્ટ સર્કિટ થતા ઈલેક્ટ્રીક ઉપકરણો બળી ગયા:
છત પર વિજળી પડતા મકાનમાં તિરાડો પડીગઈ
(વર્તમાન પ્રવાહ વાપી બ્યુરો)
વાપી, તા.24: વલસાડમાં ગત રાત્રે વાવાઝોડા સાથે ભારે વરસાદ સાથે વિજળી પડી હતી. જેમાં ભાગડાવાડામાં એક મકાનની છત ઉપર વિજળી પડવાથી સર્જાયેલ શોર્ટ સર્કિટને લઈ વિજ ઉપકરણ બળી ગયા હતા.
વલસાડ ભાગડાવાડા નેશનલ સ્કૂલ પાસે આવેલ ઈસ્માઈલભાઈ દાઉદ શેખના રાબિયા પેલેસ નામના બંગલામાં વિજળી પડી હતી તેથી મકાનમાં તિરાડો પડી ગયેલ તેમજ લાઈટો જેવા વિજળીના ઉપકરણો બળી ગયા હતા. વરસાદ ભારે અને તોફાની હોવાથી વલસાડમાં અન્ય સ્થળોએ પણ આડ અસરો જોવા મળી હતી.
