અંબામાતાના પ્રાંગણમાં દરરોજ અવનવી થીમ ઉપર ગણેશ વંદના :
હજારો ભાવિકો ઉમટી રહ્યા છે
(વર્તમાન પ્રવાહ વાપી બ્યુરો)
વાપી, તા.25: સમગ્ર વાપી વિસ્તારમાં ગણેશ ઉત્સવની ધૂમ ચાલી રહી છે. અનેક સાર્વજનિક ગણેશ મંડળો દ્વારા જુદી જુદી થીમ આધારીત પંડાલો સજાવાયેલા છે. આરતી, પૂજન અને પ્રસાદ સાથે આસ્થાપૂર્વક ઉજવણી થઈ રહી છે. તે પૈકી વાપી હરિયા પાર્કમાં અંબામાતા મંદિર પરિસરમાં મહાદેવ સેવા દ્વારા ઈકો ફ્રેન્ડલી શ્રીજીની પ્રતિમા સ્થપાયેલ છે. હરિયા પાર્કનો ગણેશોત્સવ ભારે આકર્ષણનું કેન્દ્ર બની રહ્યો છે.
મહાદેવ સેના દ્વારા આયોજીત ગણેશોત્સવમાં સાડા પાંચ ફુટ શ્રીજીની પ્રતિમા સ્થાપવામાં આવી છે. આ દશ દિવસીય આયોજનમાં રોજ નવી નવી થીમ અને સામાજીક કાર્યક્રમોનું આયોજન કરવામાં આવી રહ્યું છે. જેમાં કિર્તન, ભાષા સાથે સામાજીક વેશભૂષા, બાળકોનો ફેન્સી ડ્રેસ સ્પર્ધા જેવા રોજ આયોજન થઈ રહ્યા છે. ડી.વાય.એસ.પી. કુલદીપ નાઈ, પી.આઈ. મયુર પટેલએ કાર્યક્રમમાં હાજરી આપી દર્શનનો લાભ લીધો હતો. પર્યાવરણનું ધ્યાન રાખી બાપાની સંપુર્ણ ઈકો ફ્રેન્ડલી પ્રતિમા મંડળે બીરાજમાન કરી છે. દરરોજ હજારો ભાવિકો પંડાલમાં ઉમટતા રહે છે. ભાવિકોને તકલીફ ના પડે તેવી વ્યવસ્થા કરાઈ છે.
