(વર્તમાન પ્રવાહ ન્યુઝ નેટવર્ક)
સેલવાસ, તા.05: કેન્દ્ર શાસિત પ્રદેશ દાદરા નગર હવેલી અને દમણ-દીવના શિક્ષણ વિભાગના સમગ્ર શિક્ષા વિભાગના દિશા-નિર્દેશમાં પ્રાથમિક શિક્ષણ વિભાગ અંતર્ગત ખાનવેલ ઝોન લેવલની ગુજરાતી માધ્યમની સંકલિત શાળાઓનું ગુજરાતી શાળા ઉમરવરણીમાં ‘રંગોત્સવ’ થીમ પર આધારિત વિવિધ સ્પર્ધાઓના રંગારંગ કાર્યક્રમનું આયોજન કરવામાં આવ્યું હતું. જેમાં દરેક શાળાના વિદ્યાર્થીઓએ દેશ અને પ્રદેશની સંસ્કૃતિને ઉજાગર કરતી કૃતિઓ પ્રસ્તુત કરી હતી. જેમાં આદિવાસી જીવન શૈલી પર આધારિત સંસ્કૃતિ પ્રસ્તૃત કરી પ્રાથમિક ગુજરાતી શાળા ગોરાતપાડાએ પ્રથમ ક્રમ પ્રાપ્ત કર્યો હતો. આ અવસરે સી.આર.સી.કો- સંજય ચૌધરી, આચાર્ય શૈલેષભાઈ દેસાઈ, કાર્યકારી આચાર્ય પાંડુ મિશાળ અને દરેક શાળાના મુખ્ય આચાર્યો, શિક્ષકો અને વિદ્યાર્થીઓ તથા શાળાના અન્ફ કર્મચારીઓ ઉપસ્થિત રહ્યા હતા.
