(વર્તમાન પ્રવાહ ન્યુઝ નેટવર્ક)
પારડી, તા.15: આજરોજ સાંઈ સંગ્રીલા સોસાયટીની બાજુમાં આવેલ બી માર્ટ નામની દુકાનમાં એક સાપ ઘૂસી જતા અફરાતફરી મચી ગઈ હતી. દુકાનના માલિક ખુશાલભાઈ ભાટીએ જીવદયા ગ્રુપના પ્રમુખ અલી અન્સારીને જાણ કરતા તેઓ તાત્કાલિક સ્થળ પર આવી જોતા એક ધામણ પ્રજાતિનો 8 થી 10 ફૂટ જેટલો લાંબો સાપ દેખાતા એને સાચવીને રેસ્કયુ કર્યો અને લોકોને એક અપીલ કરવામાં આવી હતી કે જ્યાં પણ ઝેરી તથા બીન ઝેરી સાપ દેખાય તો તાત્કાલિક જીવદયા ગ્રુપના કોઈપણ મેમ્બરને કોન્ટેક્ટ કરીને પકડવા બોલાવવા વિનંતી સાપને મારશો નહીં આપણો મિત્ર છે દુશ્મન નહીં.
