નગરના એક થી પાંચ ધોરણમાં અભ્યાસ કરવા માંગતા બાળકોને મળશે સીધો લાભ
(વર્તમાન પ્રવાહ ન્યુઝનેટવર્ક)
પારડી, તા.15: આજરોજ સાંજે પારડી વિસ્તારના ધારાસભ્ય અને ગુજરાત રાજ્યના કેબિનેટમાં નાણા ઉર્જા અને પેટ્રોકેમિકલ ખાતુ સંભાળતા કનુભાઈ દેસાઈના હસ્તે પારડી નવીનગરી ભેસલાપાડ ખાતે એક થી પાંચ ધોરણના બાળકો માટેની શાળાના ઓરડાનું લોકાર્પણ કરવામાં આવ્યું હતું.
આ પ્રાથમિક શાળામાં એક થી પાંચ ધોરણના 23 બાળકો બે શિક્ષકો દ્વારા હાલમાં અભ્યાસ કરી રહ્યા છે. પારડી નગરપાલિકા હદ વિસ્તારમાં શાળા આવી હોય નગરના અન્ય બાળકોને એક થી પાંચ ધોરણમાં અભ્યાસ કરવા માટેનો સીધો લાભ મળશે.
આજના આ લોકાર્પણ પ્રસંગે કેબિનેટ મંત્રી કનુભાઈ દેસાઈ સહિત પારડી શહેર ભાજપ પ્રમુખ રાજેશભાઈ પટેલ, પારડી તાલુકા પ્રમુખ મહેશભાઈ દેસાઈ, અલી અન્સારી, શિક્ષક ગણ તથા આજુબાજુ વિસ્તારના લોકો મોટી સંખ્યામાં ઉપસ્થિત રહ્યા હતા.
