બીજી તરફ પોલીસને પણ રાહત થઈ, ગયા વર્ષથી
અડધાથી પણ ઓછા નશાબાજો પકડાયા
(વર્તમાન પ્રવાહ ન્યુઝ નેટવર્ક)
પારડી, તા.01: અંગ્રેજી કેલેન્ડરનું નવું વર્ષ એટલે વર્ષનો છેલ્લો દિવસ અને નવા વર્ષનું આગમન આ નવા વર્ષના આગમનને લોકો ખાઈ-પી મજા કરીને ઉજવે છે. પરંતુ હાલમાં સોશિયલ મીડિયાની એક્ટિવિટીને લઈ લોકોને કોઈપણ માહિતી ઘડીના છઠ્ઠા ભાગમાં મળી જતી હોય છે.
વલસાડ જિલ્લા પોલીસ અધિક્ષક ડોક્ટર કરણરાજ વાઘેલાએ એમની સતર્કતા અને કાર્યદક્ષાતાને લઈ થર્ટી ફર્સ્ટ પહેલા તેમણે કરેલ અન્ય રાજ્ય સાથેનીમિટિંગો, કેન્દ્રશાસિત એવા દમણ સાથે મળી સંયુક્ત કોમ્બિંગ તથા 32 જેટલી ચોકીઓ બનાવી દરેક ચોકી પર સઘન ચેકિંગની જાહેરાત બાદ આ તમામ મેસેજ સોશિયલ મીડિયા દ્વારા વહેતા થતા દર વર્ષે ટોળે ટોળામાં દમણ આવવા ઉમટતા સુરત મુંબઈ તથા અન્ય શહેરના લોકોએ આ વર્ષે પોતાના ત્યાં જ ઘરે વાડી કે અન્ય વ્યવસ્થા કરી 31તદ્દ ઉજવવાનું નક્કી કરી દમણ આવવાનું માંડી વાળ્યું હતું જેને લઈ દર વર્ષે થર્ટી ફર્સ્ટ દરમિયાન દમણ અને પાતળીયા ખાતે જોવા મળતું માનવ મહેરામણ અને મેળા જેવી સ્થિતિ જોવા ન મળતા સંપૂર્ણ રીતે પાતળીયા સૂનસામ ભાસતુ હતું અને અહીં આવેલ બાર રેસ્ટોરન્ટ તથા ધાબાઓમાં પણ તમામ ટેબલો પણ ખાલી જોવા મળ્યા હતા.
બીજી તરફ કેન્દ્ર શાસિત પ્રદેશને લગોલગ આવેલ પારડી, વાપી જેવા પોલીસ સ્ટેશનનોને પણ એટલી જ રાહત થઈ હતી. કારણ કે દર વર્ષે 500 થી 700 ના આંકડા સાથે પકડાતા પિધ્ધરો અને એમને સાચવવાની જવાબદારી પણ વધી જતી હતી. જે આ વર્ષે ફક્ત 50 થી 60 જેટલા જ નશાની હાલતમાં લોકો પકડાતા પોલીસને પણ એટલી જ રાહત થઈ હતી.
