ચીખલી તેજલાવનો કાર માલિક ઘરે જ હોવા છતાં બગવાડા ટોલનાકા પર ફાસ્‍ટેગથી રૂપિયા કપાયા

કાર માલિક નવીનભાઈ કરસનભાઈ પટેલે ચીખલી પોલીસમાં કરેલી રજૂઆત

(વર્તમાન પ્રવાહ ન્‍યુઝ નેટવર્ક)
ચીખલી,(વંકાલ), તા.10: ચીખલીમાં કારના એસીના ધંધા સાથે સંકળાયેલા નવીનભાઈ છેલ્લા દસેક દિવસથી તેમની કાર સાથે બહાર ગયા જ નથી.
પ્રાપ્ત વિગત મુજબ તેજલાવ ગામના મોચીવાડમાં રહેતા નવીનભાઈ કરસનભાઈ પટેલ કે જેઓ ચીખલી ખાતે કારમાં એસી મરામત કરવાની ગેરેજ ધરાવે છે. આજે સવારે તેઓ તેમની મારુતિ સુઝુકીની બ્રેઝા કાર નં.જીજે-21-સીબી-7388 ઘરે જ હોવા છતાં 5:46 કલાકે બગવાડા ટોલનાકા પર તેમની ઉપરોક્‍ત કારના ફાસ્‍ટેગ આઈડી 120104336 માંથી ટોળની 75-રૂપિયા જેટલી રકમની કપાત થઈ ગઈ હતી. આ અંગેનો મેસેજ તેમના મોબાઈલ ફોન પરઆવતા તેઓ પણ નવાઈ પામવા સાથે મૂંઝવણમાં મુકાઈ ગયા હતા.
વધુમાં નવીનભાઈ કે તેમની કાર છેલ્લા દસેક દિવસથી બહાર ગઈ જ નથી તેવામાં આજે સવારે 5:46 વાગ્‍યે નેશનલ હાઈવે પરના બગવાડા ટોલનાકા પરથી પસાર થઈ હોય તેમ તેમના ફાસ્‍ટેગમાંથી રકમ કપાઈ જતા આﾍર્ય ફેલાવવા પામ્‍યું હતું. જોકે આ અંગે નવીનભાઈ દ્વારા ચીખલી પોલીસ મથકમાં લેખિત રજૂઆત કરવામાં આવી છે ત્‍યારે હકીકત બહાર આવશે કે કેમ તે જોવું રહ્યું.