(વર્તમાન પ્રવાહ ન્યુઝ નેટવર્ક)
દમણ, તા.10 : નેશનલ ઇન્સ્ટિટયૂટ ઑફ ફેશન ટેક્નોલોજી (NIFT)એ તેના દમણ કેમ્પસમાં દાદરા નગર હવેલી, દમણ અને દીવના કેન્દ્ર શાસિત પ્રદેશોના વિદ્યાર્થીઓને આમંત્રિત કરવા ઓપન હાઉસ માટેની પહેલ શરૂ કરી છે.આ પહેલનો હેતુ ખાસ કરીને બેચલર ઓફ ડિઝાઇન અને માસ્ટર ઓફ ફેશન મેનેજમેન્ટ ડિગ્રી માટે અરજી કરતા વિદ્યાર્થીઓને માર્ગદર્શન અને પરામર્શ કરવાનો છે. NIFT અભ્યાસક્રમોમાં પ્રવેશ રાષ્ટ્રીય સ્તરની પ્રવેશ પરીક્ષા પર આધાર રાખે છે, તેથી આ કાર્યક્રમ વિદ્યાર્થીઓને પરીક્ષાઓની તૈયારીમાં માર્ગદર્શન અને સહાય પૂરી પાડવાનું કામ કરે છે. ગત વર્ષે, આ પહેલે ઘણાં વિદ્યાર્થીઓને મદદ કરી હતી, જેમાં છ(6) સ્થાનિક વિદ્યાર્થીઓને દમણ કેમ્પસમાં પ્રવેશ મેળવવા માટે લાયક બનાવ્યા. આ અવસરે ડાયરેક્ટર ડૉ. સંદીપ સાચને આ વખતે વધુ વિદ્યાર્થીઓને સમાવવા માટે આ સફળતાને બમણી કરવાનો વિશ્વાસ વ્યક્ત કર્યો હતો.
અત્રે યાદ રહે કે, સંઘપ્રદેશ દાદરા નગર હવેલી અને દમણ-દીવ તથા લક્ષદ્વીપના પ્રશાસક શ્રી પ્રફુલભાઈ પટેલે હંમેશા સ્થાનિક વિદ્યાર્થીઓ માટે સમાન પ્રતિનિધિત્વ અને તકો સુનિશ્ચિત કરવામાં ઊંડો રસ દાખવ્યો છે.
